Eph 6 | MTI | STEP | Usitainawa, Ayapan gumbe inamamawa ebnotu ape. Kuiyawa mame me oraimina.

a 6:1 1Ko 3:20

b 6:2-3Deu 5:16

c 6:4Sam 78:4; Pro 22:6; 1Ko 3:21

d 6:5 1Ko 3:22-23; Tai 2:9-10; 1Pi 2:18

e 6:8 2Ko 5:10

f 6:9 Rom 2:11; 1Ko 4:1

g 6:11 Rom 13:12; 2Ko 10:4

h 6:12 1Pi 5:8-9

i 6:14Ais 11:5; 59:17; 1Te 5:8

j 6:15 Rom 10:15

k 6:17 Ibr 4:12

l 6:18 Ruk 18:1; 1Ko 4:2; 1Te 5:17

m 6:19 1Ko 4:3-4; 2Te 3:1

n 6:20 2Ko 5:20; Prm 9

o 6:21 Apa 20:4; 1Ko 4:7-8; 2Ti 4:12

Ephesians 6

Usitainawa Ge Inamamawa

1 ^aUsitainawa, Ayapan gumbe inamamawa ebnotu ape. Kuiyawa mame me oraimina. 2 ^b“Inagwa mamagwa ebnotu a.”—Mame Gwangwan namuirenwa, sira mame agi gumbe.— 3 Agi me mamaib, “Ge meib awa degadega a, sira ge piyuwau yobutatae wakeigima.” 4 ^cMameaiwa, ye usitainewa den aya danopiri wape. Megara Ayapan anoano ge gwangwan meuma gumbe wasiwam munivi mina ye meib aigimiya.

Ankwatave Nau Eme Igiyawa Ge Iyayapan Koukawa

5 ^dAnkwatave nau eme igiyawa, kokawa yeuma piyuwauwa gumbo ebnotu ge aepam gumbe nouwa avigimiya, ye Keriso noiwa auene mina. 6 Yangut mekut den aigimiya iyayapan upeba ano muma autan oya, megara Keriso ankwatave nau emewa mina, nonomagowa gumbe God ano meuma aya. 7 Iyayapan oya onan, megara Ayapan oya nau atan mina, ye ano yeuma oraiwa gumbe nau mumawa aya. 8 ^eDividivi oraiwa ape ipewa, nau meuma aiviwa gumbe Ayapan garawa wampe. Me ankwatave nau aivi abnawa go ui onan yai wakeivi abnawa me dimbae da onan. Nu meib yaug anotu.

9 ^fSira ye koukawa igiyawa, ye ankwateyap nau emewa gumbo desirom aigimiya. Den aya a ape. Ye yaug anoyana, mu Kokawa muma ge Kokawa yeuma kwiminau wakene, sira me ud da desirom gumbe evenan den aivi.

God Mut Wapeyawa

10 Oieba, ne tatanaiwa, Ayapan gumbe, yusiwa meuma kokavitwa gumbe yusiyusi aya. 11 ^gGod mut wapeyawa undag eniya, ye meib ayawa ye oma ane Seitan anoano kukaeba oya yoig muraya. 12 ^hMut numa me kwapiwa ge di gumbe onan, megara me ano yusiwa, yusiwa, sisip piyuwauwa amaraivi abnawa ge airapu kukaeba kwiminauwa gumbo. 13 Meoya God mut wapeyawa undag boya. Ye meib ayawa, ye oma ane kum kukaeba gumbe yoig muraya, sira undag aya, sira kikikit em yoiya. 14 ⁱMeoya kikikit em yoiya. Poveyap natawa beripawa tuya, sira oraiwa togewa beyaneba tuya. 15 ^jYum gaiyawa oraiwa tamibaribawa ameyap eniya. 16 Dividivi undag mame egave, anotumat beyanawa koka auya. Mame gumbe, mut kusida donawa iyamepam undag mu ano kukaeba igiyawa veriyawa ye oma ane toboriya. 17 ^kWaita waita mut emewa keretaeba tonasiya. Sira ye God gaiyawa me deba me Guwawa yempewa. 18 ^lNun ge anoenewa undag gumbe, evedni Guwawa gumbe nun waigimiya auya. Meoya evedni ye yavigimiya, sira iyakaisi igiyawa oya munan di iyagit wakeg nun waigimiya.

19 ^mSira nenan nun waigimiya. Ne watnawa, God gae ne watanwa me netpe, sira ne gae oraiwa ano guwavewa taibeiren watna. 20 ⁿNe murap gumbe tunegiya, megara ne umum abnawa kokavitwa mina nau eni. Nenan nun waigimiya, gae me divi watan eniwa taibe ape watna.

Kaiwa Kaiwa Oieba

21 ^oTitikas me ne baigan evenwa, sira me anotumat yusipamit gumbe nau aivi abnawa. Ne aninin wakeeniwa sira ne aninin eniwa oya, me undag wag diruipe anoya. 22 Ne Titikas guniyap barauna onivi. Kuiyawa ne imunap ye wakewake numa yaug anoya, sira me ape ye nonewa degadega ape.

23 Mamunwa God ge Ayapan Iesu Keriso gumbe yum ge anotumat baiganeba tatangwanen gumbo wakeigimpe. 24 Ayapan numa Iesu Keriso den putaipe baiganeba gumbe baigan eme igiyawa undag, mu gumbo ano oraiwa wakeigimpe.